壓力

近期偶爾會想，自己好想去瞓覺打波踼波跑步睇戲睇書旅行行山踩單車整番部電腦執屋打機打佬學車學外語玩桌遊睇波捕漁寫博同朋友聚會參與社會運動 ......

依排梗唔係冇做以上活動，例如某周末就看了 The King's Speech、Black Swan 和《猛男滾死隊》，次數很少就是了。放工接著做功課的生活感覺很怪，大概是久違了這種生活，這種「紀律」只有中六、七時專心練跑和高考才及得上。當然，這是自己之前懶散，再加上少許意外的「苦果」。

離題了，其實我想說，這些活動全都不是重點，都不是想的那麼吸引，都不過是我讓自己望梅止渴、逃避壓力的「想像」，因為它們都沒有壓力。但是，我正是為了學習面對壓力，才選擇做這份功課。

所以，做功課

香港真係太右，好多人話冇/未做嘢就唔應該攞，攞綜緩又唔應該派，甚至有交稅先有得攞。其實大家有冇諗過，六千蚊算係咩？高地價政策加上壓縮福利開支帶來龐大盈餘，但羊毛出自羊身上，政府賣地、補地價、差餉同印花稅嘅可觀收入，最終要每個香港人分擔。你諗下自己每月消費有幾多係交咗俾地產商同大業主？點解籠屋嘅「尺租」可以冠絶各類往宅？究竟每月攞番五百蚊算係啲咩？

我都唔贊成個個派錢，但理由係措施冇針對性，冇集中資源幫弱勢社群，而唔係佢哋有冇交過稅。強者憤怒，抽刀向更強者；弱者憤怒，抽刀向更弱者。香港人，你哋魚旦夠未？

$6000

香港真係太右，好多人話冇/未做嘢就唔應該攞，攞綜緩又唔應該派，甚至有交稅先有得攞。其實大家有冇諗過，六千蚊算係咩？高地價政策加上壓縮福利開支帶來龐大盈餘，但羊毛出自羊身上，政府賣地、補地價、差餉同印花稅嘅可觀收入，最終要每個香港人分擔。你諗下自己每月消費有幾多係交咗俾地產商同大業主？點解籠屋嘅「尺租」可以冠絶各類往宅？究竟每月攞番五百蚊算係啲咩？

我都唔贊成個個派錢，但理由係措施冇針對性，冇集中資源幫弱勢社群，而唔係佢哋有冇交過稅。強者憤怒，抽刀向更強者；弱者憤怒，抽刀向更弱者。香港人，你哋魚旦夠未？