關於派錢

見好多左翼都贊成派錢，感覺有啲怪，但諗落似乎冇更好嘅選擇

因為觀乎近年嘅預算案，期望公帑可以用得其所（例如投入教育醫療社會服務等）／考慮長遠規劃發展／重新分配財富，顯然都只會緣木求魚

反正有錢就會身痕，與其任由公帑被浪費／用作酬庸／利益輸送，倒不如還富於民

BTW 見好多人希望咁可以起少啲大白象，其實基建工程主要由「基本工程儲備基金」（其主要收入為近年水漲船高的賣地收益）撥款，以為喺經營帳目派出（部分）盈餘就可以減少大白象工程，未免太天真鳥。

#悲觀令人右傾
#澳門化

砵蘭夜市

尋晚去咗砵蘭街夜市，規模比往年大（以往通常只有朗豪坊對出一段，今年則去到豉油街），人流似乎也更多。全部攤檔都用明火，食物質素自然比通州街的好，當然也免不了毫無規管協調下堆積如山的垃圾。
近年，墟市政策已提上政府議程，食環署對過年墟市的態度似乎亦較開放，主動協調的（如通州街）有之，回復舊觀「隻眼開隻眼閉」（如砵蘭街）亦有之。

襯墟的男女老少享用風味小食，小本生利的小販則發個新年財。看著昨晚這條熱鬧卻又平靜和諧的砵蘭街，免不了想到，當中多少人仍記得兩年前初一晚上的那場衝突？

水洩不通

燒魷魚

小販擺到去到豉油街，多人到人車爭路

隨緣樂助

又係見唔到龍尾嘅腸粉

堆積如山