沒有去中聯辦抗議，因為去了幫肥雞擔泥，拖著磚塊在樓梯間來來回回，實是不錯的負重訓練。而且出一身汗，感冒也好了點。
有時候，我真的很佩服政府及土共「打毒針」的能力，至今有不少人仍認定泛民「有破壞冇建設」，相信「民主」會令香港大亂。雖然我深信民智總會進步，但昨日面對一群愚民時，實難免想起鍾祖康「吃飯還是吃糞好」的比喻。
無記一台獨大，對社會發展影響深遠，其「自我審查」絶不可接受，所以我才屢次 (1, 2) 在腥架屌鳩 CCTVB，希望年輕一代明白這個問題。幸而無記在新疆被打完再老屈後，不論是否只因前線記者的壓力，總算收歛一下，亦希望其高層明白一個簡單道理：「如果在原則和利益間選擇了後者，最終兩者都會失去」，尤其面對這個一直以「統戰」為綱的中共。
4 comments:
美國總統奧巴馬（Barack Obama）遭議員「柴台」，社會一面倒群起維護總統；特首曾蔭權遭議員「掟蕉」，譴責滋事者的聲音也是有的，但趁墟看鬧劇的更多。你以為美國人會大讚威爾遜好型好man？Sorry，美國不高興！威爾遜對總統那麼一喊，頓成兩黨公敵。雖然他已迅速道歉，但痛罵他的留言仍迫爆Facebook和Twitter。在威爾遜叫囂後僅數分鐘，他在維基百科的條目便被人更改為「他是叫總統大話精的混蛋」。美國民眾一般認為總統應該受到尊重，就算不同意總統的意見，亦不可對總統作人身攻擊。美國人會出兵攻打別人的國家，卻絕對不會衝著自己的總統叫罵。一個地方還是一個國家，就算有不同意的意見，亦不可對總統作出人身攻擊，那是做最基本的態度，叫尊重。泛民大可以落落大方地拎條蕉俾曾特首，附送一個友善的笑容，叫佢即場上映食蕉，做到咁我會讚佢勁！可惜卻眼高手低，手法Cheap 到不得了，淨係識叫囂和掟蕉，連做人最基本的態度都無，非要天下大亂難度他是真正香港良心？哈哈, no kidding!學校都有教，Never Bang The Door, 何況係掟人？真係好好玩定好好笑？依d叫無修養，俗稱無家教。智者和愚者都係一線之差。泛民「一蕉得志」，所以支持者咪語無論次囉。
@shopaholicXalcoholic - 這叫「類比不當」，奧巴馬是民選總統，當奴是八百人選特首。前者要對選民負責，亦要執行參選時提出的政綱，後者只對中南海負責，莫視香港基層市民訴求，甚至言而無信，食言而肥 (玩舖勁？)。尊重和禮貌都是禮，四善端之一也，當然是做人的基本要求，但其他善端亦同樣重要，妄顧貧富不均民生困苦是為不仁，官商勾結為不義，古人殺身成仁、捨生取義，難道今人應捨仁義而取禮？誰不是人，顯然易見。
莫視香港基層市民訴求，甚至言而無信，食言而肥 (玩舖勁？)。無言，如果閣下認為：「做得好，順應閣下訴求就為之好；反之，則叫言而無信。」依個叫真理，真的無言。真係可以做到咁理智，前事不計，但秋後算脹？依個係乜道理？香港幾百萬人口，我有幾個問題想請問閣下：- 假如你是曾特首，在有限資金下，你順應到多少市民？- 閣下又能否敢言你做得比佢好？- 如果今日上場的不是Donald, 難度長毛議員是最佳人選？- 中產其實都訴求左好多十年，交稅就有份訴求就無份，係咪鍾意就可以掟蕉？- 被人漠視十年，係咪應該處理中產先？話晒都係交最多稅的一批人！- 咁點解泛民議員被塞食蕉就話該名市民有精神病，難度泛民掟蕉叫好型？英雄論？我只知，人誰無過。做人嘛，唔好一面倒睇人地唔好既野，唔好的一面要睇，好的一面都要睇。我唔係話佢做既野岩晒，但為鬧而鬧就無意思啦。
@shopaholicXalcoholic - //依個叫真理，真的無言。真係可以做到咁理智，前事不計，但秋後算脹？依個係乜道理？//唔明你「前事不計，但秋後算脹？」咩意思？//香港幾百萬人口，我有幾個問題想請問閣下：- 假如你是曾特首，在有限資金下，你順應到多少市民？- 閣下又能否敢言你做得比佢好？//政策當然不可能滿足每一個人的要求/喜惡，但以至應該符合大部份人的利益，然而現時政府的政策明顯右傾 (全球最「自由」經濟體係)，甚至是官商勾結，違背大多數人的利益。一日不在其位，我都唔可以肯定自己俾佢好，但公民社會責任在監察政府，批評只係盡公民責任。//如果今日上場的不是Donald, 難度長毛議員是最佳人選？//除了此二人外，香港還有七百萬人，四十歲以上的也有三百萬。//中產其實都訴求左好多十年，交稅就有份訴求就無份，係咪鍾意就可以掟蕉？- 被人漠視十年，係咪應該處理中產先？話晒都係交最多稅的一批人！//比起大商家，中產係慘；但比起基層市民點算慘，並非只有交稅是剝削，香港畸形的經濟制度引致貧富懸殊，相比起低下階層的不合理人工，中產交的稅又怎算得上慘。//咁點解泛民議員被塞食蕉就話該名市民有精神病，難度泛民掟蕉叫好型？英雄論？//我冇話過「泛民議員被塞食蕉就話該名市民有精神病」，亦冇話過「泛民掟蕉叫好型」，我係話，所有「能夠改善建制的適當行動」都應該做，而「英雄論」e 個詞彙我真係第一次聽。//我只知，人誰無過。做人嘛，唔好一面倒睇人地唔好既野，唔好的一面要睇，好的一面都要睇。我唔係話佢做既野岩晒，但為鬧而鬧就無意思啦。//為鬧而鬧當然沒有意思，你還是快去泛民各政黨的網頁，看他們的政綱吧。
Post a Comment