國民教育

譚耀宗：結束一黨專政口號或違憲

話說當年預科，中史老師叫成班報名參加「國民教育中心」 嘅交流團，仲話有去面試就一定入圍。

去到面試，內容都係啲自我介紹、點解想去咁，最深刻係 interviewer 最後問「對中國嘅觀感」。當時我已經故作中立客觀，話中國近年經濟發展好，各方面都有好大改進，不過「一黨專政」始終唔係咁好，希望政治改革能慢慢跟上。（當年太年輕，完全唔知「國民教育」係咩一回事）

以為咁樣騎牆嘅答法冇死，點知個 interviewer 好嬲，強調中國並唔係「一黨專政」，而係「中國共產黨領導的多黨合作和政治協商制度」

似乎，譚耀宗真係要上下國民教育啦

關於「集體談判權」

羅致光：香港引入集體談判權機制複雜（Now 新聞，2018年3月7日 10:26）

讓我們先簡單回顧一下在香港「曇花一現」的集體談判權歷史：

1997年6月27日，立法局通過《僱員代表權、諮詢權及集體談判權條例草案》。

根據該條例﹐僱員人數在20人以上的企業﹐工會在企業內人數若超過僱員人數15%﹐工會享有諮詢權﹐企業必須就裁員﹑更改僱傭條件等事件諮詢工會。僱員人數超過50人的企業﹐若工會在企業內會員人數超過僱員人數15%﹐及取得超過50%僱員的授權﹐則可享有集體談判權﹐企業必須就工時﹑工資等問題與工會談判 ﹐工會可代表會員與企業簽署協議。*

1997年7月16日（回歸後兩星期），臨時立法會通過《1997年法律條文(暫時終止實施)條例草案》以凍結該條例﹐同年10月，通過《1997年僱傭及勞資關係 (雜項修訂) 條例草案》，直接廢除該條例。

《僱員代表權、諮詢權及集體談判權條例》內容引自聯工盟：〈譴責特區政府違反勞工公約〉，2002