宵夜問題

所謂三軍未動，糧草先行，睇夜波其中一個麻煩之處，就係要處理宵夜嘅問題

其中主要困難在於，需要準確拿揑宵夜份量和進食時機，因為肚餓或太飽都不利完場後迅速入睡。分組賽事還好，每場都係九十分鐘，但淘汰賽階段則變數甚大。賽事速戰速決的話，可能飲杯牛奶頂下肚都夠，但若不幸進入加時甚至十二碼，就必須臨場應變，因時制宜

食物種類也是個問題，杯面、快餐或零食畢竟熱氣，難以多吃，煮面則更要洗碗，費時失事，而凌晨時份的外賣選擇也不多

以早兩晚為例：話說已經食咗幾日熱氣嘢，我襯半場時間搜索枯腸，思索究竟食乜好，亦要同時評估加時嘅可能性。幸而打開雪柜，發現原來有隻「客家灰水糭」（鹼水糭啲朋友），令我大喜過望。因為灰水糭唔膩唔熱氣，而且細細隻，份量啱啱好，進（加時）可攻退可守，仲要沾蜜糖就食得，唔洗咩工夫

從球場衛生看港人公德

話說今日去摩士踼波，隔離場嘅衛生情況太不堪，忍唔住影咗張相

咁啱近日嘅新聞：日球迷世盃再展國民質素 自備膠袋賽後執垃圾 感染哥倫比亞球迷加入

唔好妄想同日本人比，從來冇人期望香港人會主動清潔地方，佢哋肯帶走自己製造嘅垃圾，你就已經要感恩鳥

如果話喺戲院、演唱會等地或會有一種「俾咗錢」嘅消費者心理，咁佢哋喺郊野公園同球場等公共設施嘅行為，就真係完全令人費解

再講多少少，其實租場的話，或者有人天真地以為自己俾咗成本價嘅。另外，近年好多場其實都係買番嚟，或者嗰啲食咗炒價嘅人會覺得自己已經俾咗好多錢

#俾咗錢大晒
#有時真係唔好意思笑內地人

存在的意義

很喜歡的一張圖，但翻譯有點問題，尤其係：

「義務」一詞本身歧義甚大（duty or voluntary work），而且 vocation 其實應譯作「職業」
「意義」一詞唔夠準確，應指明是生命／存在的意義（reason for living）

而友人 Yongky Utama 則指出：

Missing 2 possibilities, btw.
- (擅長&世界需要) minus (享受、收錢)
- (享受&收錢) minus (擅長、世界需要)
Actually in each of the above possibilities, if we remove the "minus" parts from the diagram first, then it's obvious that 2 circles (opposite sides) don't overlap.
Anyway, it's still possible to represent all possibilities using 2D shapes.
I think it's possible to use 4 ellipses.

仲畫埋出嚟

依方面又想講多兩句，後一張面無疑比較「全面」，但原圖咁受歡迎，主因唔係因為佢包含咗所有/最多可能性，而係因為平衡到可能性/現實/視覺效果各方面，較為顯淺易明