iphone ，貴？

　　自從有傳新iphone 快將開賣，其功能和價錢早成熱門話題。港人最看一個「抵」字，眼見蘋果定價低於兩百美元，更是每日一問：「你估會賣幾錢？」3今天公佈iphone 定價，不少人大失所望，因機價比預期貴唔少。

　　不過，個人就認為幾合理，iphone 第一水，仲要由3獨市，食水一定深，現在最平機價不過三千，算係咁。有人以為蘋果會以低價搶佔市場，其實係「美麗嘅誤會」，199 美元的定價一定係由電訊網絡商補貼，所以3香港先會係獨市。

　　雖然iphone 會幫蘋果賣其他軟件同服務，但iphone 唔係ps2 或者wii ，其市佔率唔會維持十年八載，唔可以好似ps3 咁蝕往賣。不論係靠itunes store 賺錢嘅ipod 或者係imac、macbook，蘋果從唔會蝕賣硬件，冇理由喺未知嘅手機市場冒風險。至於香港市場？我諗冇邊個用過itunes store ，咁你仲想iphone 賣hkd1500？

　　其實，只要睇下其他有gps、8激容量、三吋半觸屏嘅電話幾錢，就會發現iphone 真係唔貴。

　　所以問題唔係「抵唔抵」，如果你貪新鮮，覺得apple d product 好型、成日要/想上網、等唔切report /唔怕有鑊氣，或者用得著咁勁功能嘅「電話」，一定要買。

　　晚上見htc 部「鑽石」都好積極，喺電視賣廣告，而且我想像唔到nokia 同microsoft 會就咁投降，所以我都係慢慢等。

六月三十日

家駒逝世十五年，我喺唔知情嘅情況下唱beyond 嘅歌。

高考又放榜，祝所有人好運。過來人贈言：除死無大事，過幾年再睇番，只係小事一樁。

歐國盃，當然捧德國，只怕兩西國球員，法比加斯同卡斯拿斯。

德國對西班牙

　　星期日晚深夜兩點九(香港時間) 歐國盃決賽，無記會播，希望多啲人睇，增加免費電視播波嘅誘因。

　　雖然兩者皆被認為傳統強國，但其大賽往績可謂差天共地，德國曾分別三奪世盃和歐國盃，西國僅有一屆歐國桂冠。冇人會懷疑西班牙嘅攻擊力同腳下功夫，但咁多年嚟，每當我捧佢哋嘅時候，就發現佢哋唔係「海鮮波」咁簡單，係大賽例必「冇影」。自此我開始懷疑係「民族性」問題，心理素質唔夠好、唔團結。

　　時至今日，我依然睇好德國。西班牙今屆「對版」，但只有對意粉一場真正受考驗，不計兩次大炒俄羅斯，其攻守皆非出眾。德國整體實力平均，高波有一定優勢，只要中場唔輸太多，已比西班牙可靠。而且，德國比西班牙冷，抵買。


p.s. 對俄羅斯失望，係唔夠經驗打唔到逆境波？以為已經超額完成？定係另有內情？希汀克輸緊波都冇火氣，做乜撚？
p.p.s. 今屆冇邊隊防守好，又係失望。

---

時代的殘跡─ 紮腳


好奇，唔怕噁心可以睇下，了解下從前世界。
http://jade.tvb.com/special/ontheroad3/gallery/02.html
   

HK/97

　　殺雞當然有益身心健康，至少心理上有效；再負面一點看，也「顯示」官僚對保障市民健康「有所作為」，避免犯下楊永強和董伯伯的錯誤。

　　殺「過夜雞」的成效有待觀察，但政府實行中央屠宰的決心似乎比以往都強，這個「不現代」的行業前境堪虞。說政府的殺「過夜雞」和賠償方案正在「陰乾」雞業，其實不為過，因兩者皆有助規管或分化業界，長遠有利實行中央屠宰，業界現時反應可以理解。

　　想深一層，政策其實符合真當奴的施政理念，其一是盡力避免公關災難，即所謂要「強政勵治」；其二是大市場小政府，不會扶植這「亞洲國際都會」中的傳統行業。

　　當奴上台三年，開始顯露出政策流弊。新政治任命的公關災難，說明政治化妝的局限，尤當心戰室的主事者「未夠班」，加上當奴因籌躇滿志而過份急進。經濟一向決定民望，當內地到環球的經濟情況，不能支持世界最自由經濟體系的繁榮，力圖建立亞洲曼克頓而放棄「本土經濟」的政策將受考驗。新鮮雞算是一高增值行業，中央屠宰對雞農、運輸再到零售面的影響不容輕視。

失眠

　　一直覺得失眠是人間慘事，你要睡覺，你知道、理解也決定去睡覺，但你睡不了。你也無能為力，不是努力便會成功，你的專心致志只會弄巧反拙。這種無力感才最令我討厭失眠，比它的極度虛耗光陰更討厭。

　　有一段時間，我「掌握過」一種睡眠方法，就是甚麼也不去想，因為胡思亂想是我的「病因」。但不知為何，它只曾在中七時有效過一陣子，或許只是巧合。總之我找不回那種感覺，只要我不去想，就能夠不想。

　　所以我曾覺得，自己在大學退步了，我說的是「心理素質」。這東西在比賽考試時最重要，比技術、狀態、運氣都重要。所以，有些人考試前總會失眠，因他們被壓力壓垮了。縱然在逆水行舟，但人總不願退步，我難免想，會不會像球感，多踼自然回來。還是，其實現在的對手給予的壓力大了？

歐洲國家Map

幾得意，只不過係google map：
http://maps.google.co.uk/maps/mpl?moduleurl=http://www.google.com/mapfiles/mapplets/euro2008/euro2008.xml


話說回來，我覺得今歐國咩都有，幾好睇，有傳統強隊如德國，有「復興」北極熊，有難得爭氣嘅西班牙，仲有連連爆冷嘅火雞人。

雖然好多人嘅心水隊都出咗局，不過四強都幾多元化，選一隊嚟捧應該唔難。

熱捧俄羅斯

　　前蘇加盟國由俾西班牙大炒四比一，到炒番尼德蘭三個一皮，表現令人刮目相看，而目每場皆有進步，我甚至懷疑這是神奇教練的「策略」。

　　要落注，首先要擔心體力問題，經過兩場激戰，再後生當fit 都難再頂一兩場120 分鐘；而且俄羅斯球員太後生，逆境波同十二碼都可能係問題。

　　雖然奪標要過意粉斬豬手，但俄羅斯上兩場話俾大家聽nothing is impossible ，我捧俄羅斯。

---

　　最強對最強

　　雖然我叫人瞓陣先起身睇波，但我食飽嘢想「飯氣攻心」，最後都係瞓唔著.......

　　記得九八世盃準決賽，森巴軍對橙衫隊，無記講波佬稱之為最強對最強，係「提前嘅決賽」。

　　其實今晚都算係，最強之矛對最強之盾，只係整體上都冇冠軍相。我一直捧防守球隊，今晚梗係意大利。

　　開波

---

　　仆街，又加時

事到如今

土耳其嘅努力再次證實「波係圓嘅」，令斯拉夫球隊得番一隊，我唯有支持最後嘅熱門 ─ 俄羅斯。

話說回來，雖然我好多場都冇睇，但買冠軍都係要傳統強隊，啫係德國豬手，或者意粉，唔建議荷蘭銀行，更加唔好買西班牙。因為如果買荷、西，不如全押俄羅斯。

現代香港史

進步？

最佳進步獎。

不知是否真的，但當我聽到的時候，委實叫了一驚：不是吧，大學也有？

回想中學時的幾次，看來與它實有不解之緣，完滿的結局？

還是這樣，凡事留到最後一刻，是沒有突破吧？

垃圾家庭 (二)

「誰能反抗以愛之名的控制。」

前日在美孚新眤跳樓身亡的中大女生生前在網誌上感嘆，她不愛彈琴，亦不愛音樂，但父母的期望及權威，令她入讀中大音樂系，她在苦悶中掙扎努力學習，但始終未能達到優異成績，在學業及家人的壓力下，她生無可戀。前日被父親斥責不專心練琴後，竟在畢業演奏會前以極端行為解脫，跳樓自殺。

死者許翊蘭（二十二歲），是中文大學音樂系三年級學生，即將畢業。根據她網誌內容顯示，她是家中的獨生女，父母對她要求甚高，期望她成材。

去年七月，她忘記打電話回家，因而被規定以後必須晚上十一時前回家，她不禁寫下：「無論我多大也好，雖然他們看來很錫我，但是家永遠沒有我說話的地方。」更坦言：「有一點閒下來的畺象，家人就開始挑錯處，誰能反抗以愛之名的控制呢？」

雖然入讀中大音樂系，但她不諱言：「很久也沒有弄清楚的一個問題，為甚麼人們會喜歡彈琴，我喜歡彈琴的程度，還遠遠不夠做一個音樂系學生的水準，要是我想聽到音樂的話，放錄音也夠了。」又說：「音樂和文字都只會帶來壓力。」

http://the-sun.on.cc/channels/news/20080611/20080611022124_0000.html


又一對無恥家長，可憐盲從的少女。

等價交換

一直喜歡「鋼煉」(電視版)，因為它最後告訴大家「等價交換」並不存在，更不是世界的真理。付出同收穫從來不成正比例，所以相信no pay，no gain 還可以，但你想more pay ，more gain 就太貪心了。

垃圾家庭

小一派位，果然有無辜無知的小孩，和無聊無恥的家長。

下為當日訪問：

記者：獲派第一志願，感到開心嗎？

小女孩：開心！

記者：為甚麼？

小女孩：因為唔駛讀垃圾學校！

http://fyl_lyf.mysinablog.com/index.php?op=ViewArticle&articleId=1194869

悲呼

擦邊球

香港四万市民烛光晚会哀悼地震遇难同胞(图)

唔好當CCTV.com 啲編輯咁無知

有力出力

www.quakevolunteer.hk

來

回來了，是做事的時候了。旅途的第一天，我已想回來找工作。
從來不信甚麼理論、模型，因現實複雜太多。像我現在，太多不明朗，只有逐步來。
來，多說無益。

六四

年年容易又今天，但身處內地，只有在此提醒大家，有心又有空的八點就到維園吧。