Real Cases

Case 1

甲：對唔住，我唔係好知e個「比例代表制」啫係點。

我：其實已經行咗好耐，今屆已經係第四屆，佢會分唔同嘅名單，如果一張名單攞夠一席所需嘅票，咁佢就有一席，有餘的就會給第二位。

甲：一席所需嘅票係幾多？

我：東九龍係25 %

甲：哦，但係如果我想投某一候選人，咁我要點做？

我：你要投佢嗰一張名單。

甲：咁佢點知我係俾邊一個？啫係，如果我想投名單上第二位，咁我應該點？

我：你冇得選名單上第二位，全部選票會先俾名單上第一位。

甲：咁點知邊個係名單上第一位？佢冇寫咖喎。

我：佢有寫個排名咖，或者你上去選舉管理委員會個網頁睇下。

Case 2

乙：對唔住，我唔係好知點投票，我嗰區係咪有四個議席？

我：你係唔係九龍東選區？你住邊？

乙：我住上面慈正邨。

我：九龍東選區係有四個議席。

乙：我想知我可以投幾多票。其實我以前都投過，不過唔記得咗。

我：你嗰區有六張名單，你淨係可以……

乙：咩叫六張名單，我想知可以投幾多個候選人。

我：總共有六張名單，你淨係可以投一張。

乙：唔係名單，係候選人。嗱，共有六個候選人，唔係名單，你話係唔係？

我：(沉默中)

乙：我想知道，我可以投幾多個？

我：選票上，你淨係可以投一票。

乙：但係民主黨又有兩個候選人，唔係每個政黨投一票咩？

我：唔係，你總共只可以投一票。

乙：咩唔係每個政黨投一票咩？

我：唔係。

乙：哦，等我仲以為每個政黨投一票添。咁混亂咖，連我讀書出身都唔識，應該好多人都唔識。其實我以前都投過，不過唔記得咗。連我教過書都唔明，應該好多人唔識。

我：咁係政府做得唔夠好…