Compaq (1)

　　話說，番工部腦係Compaq 廠機，仲用Compaq 品牌，可知其年代久遠。本來我都唔擔心，因為佢行 Win 98，應該唔會太慢。問題係一開機，發現resolution 竟然係640*480，仲要係16色……. 心諗：咩事呀，我 96年部Pentium 133Mhz 都行256色啦。原來上手條友話用「高」resolution 好易hang 機。
　　正常嚟講，我唔會咁易「信邪」，而且部機應該係P4 ，所以先試下唔同setting 再算。普通15" Monitor 支援1024*768 resolution，唔應該有問題，不過用用下又真係會hang ；又試下800*600，情況一樣。唔通真係用640*480？
　　但不論工作，還是消遣，這樣也太不方便，所以接著繼續用800*600 ，不過就試用256 色。因為display driver 預設setting 係1024*768 就會用高彩(16 bit color)，試完1024*768 之後，我未轉番256 色。果然，用256色就冇咩問題，仲可以用1024*768。雖然部機唔算stable ，但我已經當「解決咗」。

Nationalization

　　我幾buy 曹仁超，不過佢以下一段文章有問題。

有朋友問：社會主義同資本主義有乜分別？其實兩者分別唔大。社會主義國家將賺錢嘅企業國有化，資本主義國家則將蝕本嘅企業國有化。例如英國政府今年國有化 Northern Rock銀行、美國政府今年國有化七間銀行、阿根廷政府國有化蝕大本嘅Aerolineas Argentinas航空公司等等；唔使幾耐，相信美國政府將國有化房利美及房貸美。

http://chaozmarket.blogspot.com/

　　雖然作者目的係搞gag ─"其實兩者分別唔大"，不過因為佢偷換咗一些概念，容易令人誤會，不妨由我幫手澄清一下。

　　首先，社會主義(共產主義)國家不只「國有化」賺錢嘅企業，唔賺錢嘅命運都係一樣，因由國家掌有「生產資料」（factors of production），「企業」根本唔應該存在。

　　第二，將(蝕本嘅)企業「國有化」根本係「反資本主義」行為。資本主義同自由市場係「顛鼠」，自由市場容許/鼓勵競爭，競爭/生產力強者勝。資本主義追求資本(capital)，因資本係「生產資料」中決定生產力的最主要因素，這也是為什麼所有「資本主義」國家皆強調合法的「私有產權」。除非「將企業國有化」都叫做自由市場，或者「非自由市場」又可與資本主義同存，否則上文的說法唔成立。

　　點解會咁？其實英、美、阿等國，或大部份已發展國家，應該屬於「混合經濟」或者近於「福利國家」。英、美等國也不是犯法「無償」強奪產權，只不過係為負家產的企業「包底」；用納稅人荷包找數，仲唔係「福利國家」？要數資本主義/自由市場，還看今日香港。

Chinese

大概夏蟲不可語冰，所以我唔明點解會崇洋媚外。

可能因為天真幼稚，故有人覺得中國應(盲)從外國的「指導」或「制度」。

如果「自由民主」係普世價值，我諗唔到點解「民族主義」唔係。



仲有唔夠十日京奧就開幕，大家快啲準備。

去了書展，場內到處人山人海，

金庸群俠傳@Dos Box

　　瞓唔著，好橙。

---

　　尋日我先提到「小丑」好戲，今日新聞就講，原來佢因服過量藥物年初逝世，但認為佢有機會成為歷來第二個「死的」奧斯卡影帝。

　　我唔肯定佢濫藥同「小丑」一角有冇關係，但感覺「走火入魔」唔係冇可能。咩叫敬業樂業？大家可以欣賞下其遺作。

---

　　昨日，我妹突然要我教佢用dos box 嚟玩《金庸群俠傳》。

　　這是在我小學初中年代，電腦RPG 迷必玩的遊戲。個人認為電腦的rpg game 中，《金庸群俠傳》絶對係三大經典之一，另外兩個係《軒轅劍》及《仙劍奇俠傳》，如果以單一遊戲而論，《金》更是其中之顛峰。(系列來說，以《軒轅劍》為最佳。)

　　單單集金大俠十二部小說的人物、武功、劇情，已足叫金庸迷如我倍感親切，十足投入。最令人興奮的莫過於，可自由招攬小說人物入伍，讓王語嫣、郭靖、令狐沖等與你結伴闖江湖。

　　要用dos box 嚟玩的遊戲，對我來說不比時下的遜色；還看今天的rpg，解像度早不是640*480 ，但「遊戲性」、操作介面等卻沒長進，怪不得這十年的killer game 由rts 到fps ，再沒有rps 的位置。

　　也許原創遊戲太難，製作人多及不上金大俠，「抄橋」又可一不可再，所以《金》只有一剎光煇。

Big Movie

　　我得承認，我很欣賞《蝙蝠俠：黑夜騎士》。

　　我少睇戲，亦唔睇奧斯卡，唔知咩角色會有獎攞，不過個人覺得選角高水準，尤其係「小丑」。

　　最抵讚係，電影有主旨內容，有內心戲，有動作亦有特技，只欠冷場，可以話係雅俗共賞的「教材」。

　　我一直對荷里活的大美國主義、英雄主義很不爽，但蝙蝠男肯定沒有犯以上大惡。起碼，最後唔係單憑蝙蝠男一人次力，就可以救番數萬市民。一些誇張犯駁總難免，但唔算過火；「雙面人」出場有啲畫蛇添足，倒還無傷大雅。

　　除咗沉醉於舊蝙蝠男形象，或為睹維港夜景的觀眾，其他人都值得入一入場。雖然係美帝嘅電影，但真正好嘢也不妨支持一下。

　　1.5 億美金係大片， 6 億人民幣何嘗唔係？由劇本、選角到特技，《蝙蝠俠》絶對「完勝」吳宇森的「三國無雙」。

Martin Lee

播映日期：2008年7月20日(日)
播映時間：1930-2000
頻道　　：無綫電視翡翠台

被喻為香港民主之父的李柱銘，決定不再參選，結束二十三年議會生涯，
也代表上一代政治領袖參政年代的終結。

從政二十多年，他目睹香港由殖民地變成一國兩制下的特區，為了推動
民主，他在1980年參選立法會，90年代創立香港第一個政黨，
他在政壇
上的一舉一動，備受關注，不過，其中對中央政府的批評， 更引來反對者
嚴厲指責，被指為「漢奸」。 他如何評價自己的從政生涯？

http://www.etvonline.tv/etv/front/newsletter/newsletter_hkconnection_080720.html

Pain

腳痛。

求骨科名醫，知嘅講聲。

Déjà vu

你有冇試過，感到自已當前情況「似曾相識」，啫係「以前曾經經歷過」。

「似曾相識」的感覺很奇怪，絞盡腦汁也想不起，自己何曾經歷過那一刻；如果你十分肯定，自己從未到過那地方，更覺困擾。

以前，每年我總有幾次這樣的「經歷」或「錯覺」。今天我發覺，原來已很久未遇這種感覺。

有人話，Déjà vu 這現象人越大越少遇到，我想知道是不是。

Hong Kongers

　　有人說，內地人最唔識排隊，香港人最鍾意排隊。

　　十年前，我哋買樓會排隊，買郵票首日封、換史路比會排隊；今時今日，我們會為了幾百萬張奧運廿蚊排隊。

　　當中多少人為了「記念」奧運？ 心照。

　　我哋跟風、怕執輸、人炒我點可以唔炒？唔炒樓唔排刀刀劍劍，咪等牛市抽新股囉。都係俾斯麥明白大家：what humans learn from history is that we learn nothing. (大意如此)

張當陽長阪橋、趙雲

Public

話說有日，我喺太古坊電盈想去厠所，跟著服務員同我講「我哋冇公眾厠所咖喎。」

之後，去地車站時有人派一本叫「metrobox 」嘅雜誌，其中有一篇題為「知識就是財富」。文章提到，港人唔重視高科技，訕笑科研，相反科技創富的例子充斥國外。作者認為，華人學生理科成績佳，在國際比賽中屢次獲獎，營造有利環境能讓他們發揮所長。

雖然係老生常談，但我當時冇興知道作者何人，不過「車頭相」還是吸引了我的目光。



無償公共服務？ 寫介紹的文譫實在抵鬧。

Regulating a sick society?

另類虐兒 [節錄]

過去十多年，香港人對培育兒童的方法，幾近走火入魔。

父母被一班所謂兒童教育學家或兒童心理學家帶著走，有人話打駡小孩，會傷及小孩弱小心靈，對小孩成長造成深遠影響，因此鼓勵家長不要對小孩施行體罰。

體罰是否真的會傷及心靈，孩童時曾被體罰的父母們，請撫心自問自己的心靈有否因此而受損。馬沙自細就被老父打到飛起，長大後除對老父尊敬非常外，更深明老父當日打在我身，痛在佢心，心靈哪會受損？

現今小孩，既不能打，亦不可駡，自小受盡萬千寵愛在一身。長大後既不懂尊敬父母，亦學不到何謂尊師重道。心靈方面，更不見得比受體罰的一輩健壯。

香港小孩雖然免除體罰之苦，但父母為他們帶來一系列另類虐待。年紀小小，就要被迫同時學習10個8個由父母精心安排的興趣班。昨天升中派位，根據報道，有小六生為求入讀名校，竟然整個學期日睡4小時。升中已經係咁，會考點算？

細路唔識諗，但作為父母，究竟有否為子女健康着想？

長此下去，可能要為小孩立法訂下「最高學時」！

馬沙, 2008年7月10日刊於《am730》

Hurt

　　由細到大受過唔少傷，大概因為自己貪玩，又唔小心，所以樂極生悲。記得細個有一次行完山，唔知做咩事「倒後行」，最後撞到燈柱，要去廣華聯針。仲細啲有一次，喺保安道三樓食緊嘢，我喺濕滑地面上溜來溜去，我估當時自己想溜冰，結果嗰次去咗明愛。升中學之後就正常啲，多數係做運動時受傷。

　　如果係皮外傷，好似擦傷割傷咁，唔發炎就冇問題，只係沖涼濕水、傷口大時會麻煩啲。撞傷都唔驚。傷及肋骨嘅就麻煩好多，拗柴扭傷輕則一星期，重嘅可以幾個月先痊癒，唔只影響生活，而且可能變成舊患；骨傷，骨裂再細都要去見一見醫生掛。仲有心理創傷，其實我成日有羸波陰影。

Advice

　　《赤壁》絶對絶對係一齣垃圾。

　　剪裁唔掂。本來用「新野之戰」開場唔係唔得，但要講埋長板橋、百萬軍中藏阿斗等，未免志大才疏。每逢見到諸葛亮同周瑜，例有勁多特寫、僈鏡；單講兩人相遇的一場，已用咗十幾分鐘，節奏慢極。孫權唔知點解變咗主角，有一大段講佢點下決心抗曹。

　　高潮原來係一場曹軍先頭部隊嘅敗杖，二千輕騎先鋒「輕易」中伏，被劉孫聯軍圍堵後，再由張飛、關羽、趙雲等以無雙方式「埋齋」。啫係點？士兵們排好陣郁都唔郁，再等大將們以一敵百。e 段垃圾又長十數分鐘，我瞓著咗。

　　特技好假，十年前嘅《風雲》會專業啲。

　　我預咗林志玲係花瓶，但佢幾段戲真係唔知想點；而且原來戲中小喬係曹操南下嘅真正目標，志玲演此要角，是否選角失當？唯有看下回分解。

　　我真係睇唔到諸葛亮有書卷氣，周瑜如何雄姿英發，連關二哥、張飛等都係唔掂。連人物性格鮮明的三國時代，都可以搞到如斯田地，我都好佩服。

　　片長近兩個半鐘，原來連反間計殺蔡瑁張允都未講到，怪不得片名如此，因為下一集先係《赤壁之戰》。

　　如此爛片，大家真係唔好入場，否則啲電影商以為係「大片」就夠，以致「劣幣驅逐良幣」。

Alcohol

酒真是一種好東西，既能內服，讓大家可借醉消愁，又可以外敷消毒殺菌。

皮外傷用火酒捺一捺，更可醒腦提神，絶佳。

---

題外話，話說今天我搭緊地車，見一個女孩熱心地向傷者伸出援手，改善咗我對香港人嘅印象。 以前，我試過周圍問人借電話，睇下啲人有冇睇警方啲廣告，結果，真係冇人理我。

End of My Free Buses

如志偉所言，免費巴士對我們而言是「一種差不多與生俱來的權利」，失去它難免有點唏噓。自此，我可更切身感受通脹威力。

腳痛，狀態唔好。

一時瑜亮

如果沒有他們，世界很可能會不一樣。

Limitation of "People's Livelihood"

　　一個最典型民主政治發展的模式，係當人民生活改善、「富起來」的時候，成長的中產階級會開始爭取「民生」以外的權利，最終帶來自由民主。這理論也支持著不少政府先重視「經濟發展」和「穩定」，暫緩回應社會上其他要求。

　　為甚麼中產階級是爭取自由民主的中堅分子？因為他們有經濟自由，而「肉隨砧板上」的基層缺乏還價能力，可以爭取甚麼權利？ 正如中共的宣傳，和大部份人的理解，「民生」是(最)基本人權，所以經濟發展「通常」有助邁向民主社會。

　　「先民生，後民主」模式的缺失，不單因這模式來自西方，更因為「後工業型社會」產生的不是中產階級，是貧富懸殊。否則，大前、三浦之流就不會用甚麼 「M型社會」、「下流社會」的新瓶舊酒來嘩眾取寵。

　　張五常等堅信，自由市場對基層最有益，但貴為全球最自由的經濟體系，本地家庭的收入差距─ 堅尼系數，十年來只升不降，為什麼？

　　會考經濟學教我，因為競爭優勢，貧者會越貧，富者亦會越富，自由市場最終並不會帶來「中產社會」。對，窮家子可努力讀書，本地「階級流動性」可比古中國，因為我們還有科舉，成績好的可以做專業人士，商家一個IPO 就要用不少ibanker, lawyer 同accountant ，大國手也服務不少富豪。但科舉要「拉curve 」，唔墊底成為「中產」有幾多？專業人士為資本家打工，仰人鼻息；議員還要在立會提出私人草案，讓「功能組別」點票否決嗎？

　　 在所謂的「M血下流社會」中消失的中產階級，證明著上述模式不再適用，所以如果還有人相信「經濟發展」、「自由市場」、「功能組別」等東西可改善貧富懸殊，我會o 咀。現在香港是「貧」還是「不均」，實在清楚不過；如果說今年還是「穩定」和「經濟發展」的階段，那可能因為「先民生後民主」模式來自前宗主國，國情不同，「not our cup of tea」唔啱我哋。

---

　　問題不單在普選：

　　不單失去中產階級，不只錯過民主，更可悲的是基層的「民生」看不見改善。上個世紀末，大規模的烏托邦工程失敗了，但不代表「自由市場」的全面勝利，很多國家設有最低工資。我不支持設立「冇牙老虎」或增加失業率的最低工資，所以我建議同時設立「最高工時」。

由等到屌

Our web site is under maintenance now. 
Please come back a few minutes later.


屌佢老母，兩個鐘後都仲係這一頁。