Tradition

　　「傳統智慧」話我哋知，電腦展舉行期間，要買嘢應該去黃金，而唔係灣仔。因會場內外貨品價錢其實爭唔遠，只要行多兩間，總會有清貨價。講真，科技產品嘅生命周期極短，對腦場而言，清貨只係「日常」工作。而且，當高登不再門庭若市，又唔洗入會展迫幾個鐘，慳番嘅時間同車錢又點只一百幾十？

　　「傳統」可唔可靠？打風翌日，我諗住「港人」定會蜂擁到會展「執平貨」，而且暑假又將盡，砌機的學生應該唔多，所以大安旨意去「本應」水靜河飛的深水埗，買零件整電腦。點知世事難料，原來好撚多人，仲多過平日。