Articles

　　前日先踩完apply，尋日佢篇社論就寫番好少少，起碼算有國際視野，難得。

　　講番香港，我成日插港人炒股炒樓，其實好撚悶，偏偏為政者確係「倒行逆施」，好難就咁算數。其實，當奴曾大概係誤會咗「務實」嘅意思，又或者留咗喺自己掌財政司年代的遙遠回憶中，以為唔學董伯叫咩「物流中心」、「科技港」或「中藥港」，專心搞番「四大支柱」，等香港成為「中國及亞洲的金融中心」就得。嗱講真，繼續去做「紐倫港」或者超「慢黑鈍」唔係唔得，不過咁係泡沫經濟。一早話咗，前幾年景氣係虛火嚟，靠金融單天保至尊，懶理自由市場中的經濟週期，甚至其中泡沫的爆破，漠視本土經濟對基層就業的重要，對低下階層苦況置若罔聞，此「右派經濟政策」為當奴比老董「倒行逆施」的地方。事已至此，雖然當奴應該不會「腳痛」，但變成唐老鴨(跛腳鴨)卻難免。另外，繆美詩(唔係陳美詩)這篇都寫得幾好。

　　今天起，十年的「發達通」學生優惠已成過去，現吊柒當奴以懷之。

Hot

　　雖說近期很悶熱，但我的白晝己要耗在密室(中央空調office)，晚上回家又要對著冷氣，e個係乜撚嘢世界？
　　如果唔洗等2F/2B，連太陽也見不到幾分鐘；空氣像不會流動似的，這是甚麼撚空調？可能就係so-called「dead air conditioner」。講真，人類應該就快滅亡，唔好再研究咩臭氧、呃你唔落，或者咩蝴蝶、熱島或溫室效應。我唔知臨界點過咗未，但係人性弱點肯定未過；再搞落去，其實只係阿q 咁「精神勝利」，或者楊利偉咁「自我感覺良好」。

　　諗深一層，夏日的陽光還是不要走。

"若本月最後幾天的高溫持續，今年10月有機會成為自1885年、即有紀錄的123年以來，最熱的10月。"
十一月將至，久候多時的秋天仍未見踪影，大家開少啲冷氣啦。

---

一向對apply daily 冇咩好感，主要因為黎智英太「反智」，長期將「自由市場」掛喺口邊，當係金科玉律，尤其係個「蘋果批」直情當啲讀者係小學生。
不過，這篇特首逼上「第三條路」又幾搞笑。

---

阿仙奴完場前五分鐘連失兩球，雖然自己損失慘重，不過見到哈利列納帶熱刺重返正軌，打番個勢出嚟，我都幾安慰。
講起哈利列納，話說佢離開portsmouth 後返去領奬，俾人掟雞蛋(同硬幣)話佢係叛徒。可能因為咁我先覺得，公眾人物俾人掟番茄、生菜或雞蛋冇咩問題，所以港人反對掟蕉實在太保守啦，定係其實香蕉有殺傷力？

Reverse Bottom

見個市跌到差唔多，有日我當完底褲，行過銀行順手借埋啲私人貸款，準備「反底」。申請表有一欄：正職以外，仲有冇其他收入？我諗咗陣，決定寫「派彩奬金」。

2 Matches

頭場係睇曼魚點俾拖肥糖屈機，斷我幾張飛。一早叫李奧打前，拿尼番去瞓覺算；其實成隊咁唔硬淨，應該拉隊一齊番去瞓。

好彩尾場足聯盃反勝二比一，四戰六分保持出線機會。


p.s. 求《情迷巴塞隆那》(Vicky Cristina Barcelona) DVD 、其他載體或格式(包括老正)。

Crown Colony versus HKSAR

肥ken：

本人不清楚港英政府時代的立法局議員跟依家的議員的權力有幾大的分別，有無人指教一下？

最後一位港督彭定康先生臨走時都不忘為英國政府抽油水，抬高樓價，造成一大班負資產，拍拍屁股走人，點解無人向佢擲撻（蛋撻）？

那時候港英政府由英國派條友來香港做港督，呢個政府權力的產生是否合理？都唔係由香港人來選架ｗｏｒ？莫非由中央政府派人來管理香港大家才會覺得無問題？（當然一國兩制下呢個根本上是不可能）有無人指教一下？

政府無錯的責任係做建設，議員的責任是監察。既然政府的建設並不完美，不能惠及所有人（現實上根本不可能），議員的責任就不單只是贊成或反對，俾多點"可行"的意見。

本 人贊成生果金提高到一千元，反對引入資產審查。講真，即使提高到一千元，我們依然會看到公公婆婆在家上拾紙皮鋁罐，很是心酸。他們都是五六十年代，沒有知 識學歷，憑雙手打拼，更值得獲得生果金，他們不去拿綜援，是想去證明佢地依然可以找到生存的方式。反問自己，可唔可以用呢種方式去過活？恐怕不行吧！

要 做好照顧弱勢社群，最重要都係要錢。做得最完善的社會保障計劃（包括退休計劃）的地區，納稅人大多都要繳交約五成（甚至更多）的稅收，你願意嗎？每月賺一 萬有五千大元上繳政府，你能負擔起嗎？廿年後四人之中有一個係老人家，亦即代表需要更多錢，本人覺得加稅，增大稅基才是解決問題的重點，但亦會引起最大的 聲音。依家連最簡單的膠袋稅、離境稅都未做唔到，我都唔明，點解要反對膠袋稅，用環保袋囉！

http://www.xanga.com/ken_wong/679497840/item.html?nextdate=last&leftcmt=1

指點肥ken：

　　事到如今，唯有等我指點下。

　　首先，因為港英時代「末期」的立法局不是分組點票，所以私人草案(由議員而非政府提交的議案)只需要過全體議員半數支持；第二，老彭的「新九組」遠比今日「功能界別」選民基礎闊(三百萬對二十萬)，較能代表民意。

　　港督由英國婊子委任，當然係不民主，港英政府權力的產生從來不合理。由中文化學運，到爭取八八、九一、九五直選都屬本地社會運動。如果你問點解當年港人「會覺得無問題」，咁係因為經濟景氣，「短視」的港人缺乏怨氣，所以三十年間少有大規模反政府運動。

　　如果係問「應唔應該」向老彭擲撻，第一我會咁睇，老彭年代的民主進程，絶對比之前的港督或特區十一年來多。以民主進程來說，我會選擇「向老麥擲撻」。

　　第二，選舉唔係萬靈丹，民主的產生辦法(government by the people)只係衡量政府成績的其中一個，「係咪為市民做嘢」(for the people)都係「支持/反對」政府的考量一。老實說，老曾的極右經濟政策比老董或都70年代起的港督都要偏袒商界，罔顧基層利益。

　　至於本地樓價飛升，並非老彭一人的決定，高地價政策(少供應)，始於中英聯合聲明(50公頃)。至於為英國抽油水，其實不然，大部份樓價、地價騰貴而來的庫房收入終歸特區財政/外匯儲備。

p.s. 如果說高地價政策、增加福利(車毀人亡)，或擴大選民基礎(直選)等政策屬於「地雷」，那麼實際而言，特區政府的確全部踩中了，但那與權力合理性無關。至於「係咪為市民做嘢」，那仍算比老曾做得好。


　　“俾多點"可行"的意見”
　　其實建議唔少，只係當權者認為「可行」的少之又少。時至早日，有多少建議被納入成為政策？集體談判權？ 重售居屋？ 最高工時？ 早知計劃經濟必定失敗，可惜好多人唔知，市場經濟如香港，亦早被證明行不通。老曾說要走第三條路而不是極左或極右，你相信嗎？幾十年來作為「世界最自由經 濟體系」，堅尼系數最高的地區，香港難道不是走在「極右」的道路上？


　　照顧弱勢社群，錢當然重要，但擴闊稅基不能解決多少問 題，因為如你所講，月賺一萬的人根本沒能力交多少稅。相反，世界上標準稅率最低的香港，真係唔可以加幾個% 利得稅、薪俸稅，或資產增值稅？ 我相信資本主義體制下，利用「累進稅制」重新分配財富合理而且必須。加利得稅會趕走投資、資金？ 老實說影響有限，或者可以參考下世界各國嘅經驗。
我唔反對膠袋稅，但對離境稅有保留，因為會阻礙全球化/地區上的融合，更難成就「國際都會」。

banana again

其實都唔想再講「掟蕉」，不過好多人都未明，姑且再講一次：可以「兩存其美」，唔用「激進行動」固然最好；但如果唔得(這等於假設其他較理性的方法已經無/失效)，「兩害取其輕」理有固然。

當然，都希望冇人會反對我嘅前設：
1. 審查生果金(及其代表的右派經濟政策)為惡(遠)比「激進行動」為大。
2. 「激進行動」(及其引起的關注及社會運動)將有助改變「審查生果金」/右派經濟政策。

---

我其實唔信好多人會聽，都係聽下啲資深大律師點講：

馬丁李：

《基本法》對議員提案範圍的限制，及分組點票機制的掣肘，再加上立法會的不民主組成，永遠都屬少數的民主派議員，在議會內可謂舉步維艱，無法代表民意，監察政府，改善施政。
議員面對此困局，很自然會感無奈和政治無力，有的便因而採取激烈行動，雖不足以打破困局，但起碼能喚起社會對問題的關注。假如特區推行民主那議員就毋須出「蕉」了！

Radical?

粟米：

批評社民連言行過份激進o既朋友請先睇一睇台灣o既議會文化
http://hk.youtube.com/watch?v=a_-Eigd7RbU
http://hk.youtube.com/watch?v=1xCn3ZYTU0Y

真正o既民主悲劇係一個地方o既管治權力來源唔係來自群眾；
由選民選出o既議員有票無權；
無能／不公義o既政府唔可以藉由普選被推下台；
etc

反 對黨言行激進，矛頭係直指政府權力來源產生o既不合理性，即係話就算政府管治良好，經濟倡旺，民豐物阜，反對黨都係反對，繼續請你食蕉。假設我地可以搵到 一個管治天才，將香港打理得好好，就算金融海嘯之下香港都可以迄立不倒，絲毫無損，我地係咪就應該恢復帝制，搵佢做黃帝？

仲有就係要反映立會議員o既無權無力。由民選產生o既議員係無權無力，非民選產生o既政府係權力中心。以荒謬之舉去反映荒謬；除左請你食蕉，議員都冇乜好做。／其他議員可以做得Ｄ乜？

選社民連o既選民點會唔係預左社民連係入去搞大龍鳳，大家得閒真係要聽／睇下MyRadio

http://www.xanga.com/Maizecornzh/678611449/item.html?nextdate=last&leftcmt=1

潮撐粟米：

　　老實說，好多人真係要用下個腦。

　　搞事 - 除非繼續做像皮圖章，助紂為虐咁提高這不公不義制度的「合理性」；如果唔係，香港立會議員喺議事廰唔「搞事」，點監察政府呀？ 你話俾我知，民選議員點可以否決政府唔合理嘅議案？

　　過激 - 你估請雙曾食蕉好好玩？ 有頭髮邊個想做瘌痢？ 如果可以溫和/理性/平靜咁改善現行制度，我諗冇人會反對，問題係十一年嚟，事實證明咗以上方法完全行唔通。現在，係以不文明去對抗不文明，甚至可能會係以暴亦暴，這是改善不公制度的下策，因為現行制度下並無改善的上策！過激/暴力唔好？邊個唔知？咁有冇人諗過現在活在暴政下的受害者。

　　冇建設 - 建乜撚嘢設？ 知唔知咩係三權分立，咩係權力平衡？ 行政權力(執政)在於政府，建設係佢哋嘅責任，立會議員職責在於「監察政府」。學粟米講：如果要「協助施政」，不如叫當奴做埋李國能個位，好似啲縣令郡守咁，咁咪唔洗驚長毛、大班去司法複核，唔洗驚廣播條例違憲囉。 議員有立法權？ 你去睇下功能界別加分組點票下，立會係點通過法案，唔係零三洗咁多人上街？

　　有冇需要改變 - 你問下啲低收入人士/家庭、獨居長者、單親家庭、傷殘人士、少數族裔、同志或其他弱勢社群先啦。個問題係，有人認為現行制度合理，幫弱勢社群就係人情，唔 幫就係道理。佢哋唔知任何制度都難免向某部份人傾斜(香港現在係斜到仆街，可以睇下gini index)，唔知自己係制度下嘅得益者。

　　屌，你話係咪on 撚鳩鳩

Banana

　　毓民擲蕉，支持度應絲毫無損(政客的基本計算)，因為社民連的政綱是建制(議會)內外同時抗爭，也可說是「民進黨路線」，這出戰立會前早已表明，認為自己選票被騎刧者買了教訓：起碼要睇下政綱。

　　三人請當奴食蕉，未獲好評，皆因此種「激烈」的表達方式衝撞了港人自詡的「理性、平和、穩定」。但想深一層，他們其實犧牲不少，平日大家請食蕉，男性客人本屬少數，何況當奴般已達花甲之年，實在令人難有胃口，至少我就沒此興趣。

回歸十年前的投球場，重投歷久不衰的「入球爭議」。

難免想起，當年柏柒的一番話：「唔係咁大個都仲踢e 道呀？」，那是中三的年代。

後來某日離開運動場，看見籃球場內正上映「三人足球」激戰，但雞欄球場卻空無一人，我邊o咀邊想：「e 班人好幼稚。」

故事的教訓是甚麼？

人之患，在好為人師。未經歷過嘅嘢，唔係唔可以置喙，不過唔好自以為是，世上冇嘢係「universal」，不易地而處，永遠只睇到事實其中一面。


慶賀尖天足球的復興。

---

回家後聞老馮死訊，又從 Loena 處得知他猝死的情況，感到一個從小認識的人突然離去，有點惘然失落。

當年亞細亞台的《三國演義》啓蒙了我的國文國史，馮老的節目當然也看了不少，後來更找了不少他的著作來看。

雖然我鍾愛的是三國的史事，也不特別喜歡馮老的書，且他講是商場上的運用，但觸類旁通，用於待人處事亦無不可，仍有一讀的價值。


望馮老安息。

Exploitation

政府教你何謂「剝削」：




<!--




-->

部門:	康樂及文化事務署
組別、單位:
職位名稱:	圖書館助理見習員
薪酬:	月薪4,000元
入職條件:	申請人須具備中五程度或同等學歷，能閱讀中英文，並操流利粵語。
註:	康 樂及文化事務署現招聘圖書館助理見習員，目的是為修畢中五或同等學歷的青少年(年齡介乎15至24歲)提供職業訓練，聘用期為十二個月，於本署轄下各區公 共圖書館、圖書採編組或圖書館各辦事處工作。每星期工作共44小時(包括用膳時間)。（須因應工作需要而輪班當值或不定時工作，及在星期六、日及公眾假期 當值。實際工作時間由主管安排。）
職責:	協助處理圖書分類及排架、新書檢查及封套、書籍裝訂、贈書、一般行政事務及參與文化推廣活動等工作。
聘用條款:	獲取錄者將按非公務員合約條款受聘，為期十二個月。
福利:	獲聘者可得按照《僱傭條例》給予的附帶福利，包括休息日、法定假日(或代替假)、年假、分娩假期和疾病津貼。
查詢地址:	香港銅鑼灣高士威道66號 香港中央圖書館11樓 康樂及文化事務署圖書館組 行政主任（圖書館）人力資源管理。

大概係襯「最低工資」草案未出台，屈多啲 n 失青年一獲，唔係點算「善用」公帑。

Defend Our Freedom of Speech

(轉載)
各友好團體及人士：

誠邀出席１０月１５日（星期三）上午９時
捍衛言論自由．抗議政治檢控．聲援司徒華 行動

　　支聯會主席司徒華於2007年5月25日，以嘉賓身份出席民間電台在旺角行人專用區舉行的一個要求平反「六四」論壇，特區政府半年來一直未有採取行動。11月15日，電訊管理局突然發出告票，指他參與民間電台廣播因而加以檢控。

　　支聯會主席司徒華及其他被告分別於2007年11月26日、12月7日及2008年1月14日和3月3日出席聆訊。開庭前，近百名支聯會、教協會及學聯等成員在法院外聲援。四次聆訊中，第一次法官因控方未能提供足夠資料，延至12月7日再審。12月7日的聆訊，控方要求等待控告民間電台是否違憲和違反《國際人權公約》案件宣判後才辦理，法官將案件押後至2008年1月14日上午9時30分再提堂。司徒華於1月14日的聆訊中，要求根據民間電台1月8日的判決撤銷檢控或立即審訊，但法官要視乎聽取高院法官的意見後，在2月11日審訊的結果才處理，案件押後至3月3日上午9時30分再提堂。3月3日，司徒華第四次上庭。因之前民間電台案件未審結，再度押後至7月8日。其後續延至10月15日。

　　今年4月20日晚，司徒華聯同多位泛民主派立法會議員，包括劉慧卿、李卓人、李永達、梁國雄、陳偉業及黃毓民出席民間電台在旺角行人專用區的「開放大氣電波」論壇，要求特區政府修訂過時的《電訊條例》及向民間電台發牌。特區政府未待之前案件審結，再度於9月26日發出檢控傳票。司徒華將於10月15日（星期三）上午9時30分在東區裁判法院作出答辯。

　　支聯會呼籲大家在開庭前出席聲援，活動詳情如下──

　　日期：１０月１５日（星期三）
　　時間：上午９時正
　　地點：東區裁判法院外（西灣河太安街29號 / 西灣河地鐵站A出口步行約 7-10分鐘）

　　　　　　　　　　　　　　　　　　　　　　　　　　　　　　　　支聯會敬約
　　　　　　　　　　　　　　　　　　　　　　　　　　　　　　2008年10月10日

---

如果你唔得閒，起碼都簽名支持，這是我們的核心價值。

Stability

"禍國殃民中宣部是始作俑者" [節錄], 信報

「穩定壓倒一切」，是鄧小平在八九年之際提出的，那種只靠強權達到目的不問對社會損害有多大的做法，今天已經毫無必要。

三鹿、蒙牛、
伊利等大公司出事，連同它們的外資合作商或海外營運單位，都受嚴重打擊；中國品牌要獨力打進世界市場已經不易，現在想藉外國品牌牽引走向世界，也將遭遇極
大困難。此例說明，經濟體制改革產生效益，如無政治改革配套，已然到了盡頭。結論是政制改革應該啟動，而且應從中宣部這個毒瘤開始。

內地如是，香港亦然，你還在相信「穩定」嗎？
一直相信「有所偏無所廢」，但我們的政治體制早已落後太多。

---

很倦很倦

1000

雖然之前九百多球也未能如願，但看著費托射入利記英超第一千球，帶領球隊作客連入三粒反勝，我難免相信，這是利物浦重奪失落近廿年的聯賽錦標的球季。

Fall

十月的早晨偶有秋意，午後晚間卻仍悶熱得可怕。

但自己懶理天氣，悲秋起來，患得患失的老毛病又發作。

找不到周公，願者不能上釣。

不過，像從前天冷的日子，胃口早好起來，只因前陣子太熱吧？還是因為不夠運動？

中午，下起毛毛細雨，有一刻我在想，這是否冷鋒帶來的？

The Worst is Not Yet to Come

　　我說的，當然不是所謂的「金融海嘯」。一直不喜歡這詞彙，感覺只是傳媒用之來譁眾取寵，不過它點出了兩個特點，值得一讚；其一是巨浪來得快，去也會匆匆， 二是範圍限於金融界。與八十年前相比，現時經濟基調良好，英美樓市泡沫爆破，卻非全球生產力過剩；自由貿易早成國際規條，貿易壁壘難再現，大規模失業或嚴 重衰退應可避免。

　　我想說的，其實是曾班子的管治問題。可能多了光顧「勿當奴」，當奴近期火氣十足，公關手腕同時每下愈況，日前出席《施政報告》諮詢會，先濫用甘迺迪名句，後指責學生的問題有「針對性」、「攻擊曾蔭權」，不但過份上綱上線、扣帽子，更表現得十分「小家」。

　　近半年，曾班子進退失據，擴大政治任命、仆街梁展文、迷債和毒奶影響都只屬有限；遠因實是景氣不再，通脹、失業始終決定民望，尤其在我們這個「經濟城市」。 可以預期，當奴政府的支持度，繼續會隨全球經濟下滑。由「民主民革論」到「甘迺迪名句」，不但當奴的識見「露了底」；在十多歲的學生前發難，更盡失風範氣量。 未能「視民望如浮雲」，壓力太大，政務官到政治家的路畢竟不易。