Taiwan (2)

　　唔知係見面不如聞名，定係同台灣美眉緣慳一面，可能我去錯地方，或者因為急景殘年，總之少見正嘅台妹，誠屬可惜。

　　高鐵真係幾快、準點同方便，值得一試，唯一問題係個網上訂票食咗屎。

　　日月潭根本係翻版西湖，不去也罷。

　　台灣嘅「大除夕」同我哋好唔同，唔好話年宵市場(只開到年廿九)，六點之後連間開嘅麥當勞都搵唔到，不論中資外資都收爐番屋企食飯。(幸而最後發現西門町未完全宵禁，仲有啲人)

　　喺台北唔會覺得自己喺(中國)大陸，但離開台北縣，到台中已經有這種感覺。

　　九份真係幾靚，不過已經商業化得滯，只去睇下景影下相就夠。

　　當地街邊嘢係幾好食，而且有啲便宜得嚇人，不過都幾熱氣，令我現在飽受飛滋煎熬。