囧囧囧？唱出投訴？

七一在維園也見過香港投訴合唱團，但我離舞台甚遠，而且人多聲雜聽不清。日前在香港網誌年會上，有幸再欣賞到他們的表演：「沖杯奶飲　冇左個腎」、「其實我 c-o-m-p-l-a-i-n　我哋嚟做 d 咩　嚟唱歌」。聽罷我心想，詞真的不錯，很搞笑抵死。

歌詞：

點解點解永冇放工　點解點解老細冇用
午飯晚飯搭車貴　到糧尾窮到穿窿
要納稅冇得免

天星鐘聲冇晒記憶　西九諮詢冇哂意義
喂冇哂平價樓買　叫呀伯呀婆種金
發達咪賣良心

點解香港教育咁差　Fresh grad 出身佢當你笨
夠食夠住四千八　我又要狂做part time
我仲有一身債

煲呔亂蹹智慧冇乜　官商掛勾普選再擇日
要是我沒有工見　以後我就要渣兜
克勤要try your breast!

（普）背靠祖國 面向世界　We wanna make a change
其實我c-o-m-p-l-a-i-n　我哋嚟做d咩　嚟唱歌
我要話你　我要話你　We wanna make a change
其實我c-o-m-p-l-a-i-n　我哋嚟做d咩

(女) Hong Kong Chinese loves to complain　why can't we just leave it like that?
(男) 個城市成個灰晒　發達發達最偉大
(男) 你話我點樣算?

(女) 豬仔豬仔有無發瘟　沖杯奶飲 冇左個腎
(男) 我忙到頽晒想訓　Roadshow 請你keep silent
(合) 太太無法靜心

CCTVB最快最新　事事旦旦無法過問
報導缺實欠公理　當我係傻要我睇
連篇大話嚇死你

點解高官猛咁廢up　政黨呃票 冇句老實
點解澳門有錢派　香港冇最低工資
強積金去哂邊？

（普）背靠祖國　面向世界　We wanna make a change
其實我c-o-m-p-l-a-i-n　我哋嚟做d咩　嚟唱歌
我要話你　我有我道理　We wanna make a change
其實我c-o-m-p-l-a-i-n　我哋嚟做d咩　唉

（女）成日冇伴樣衰胸細　豬扒等發毛　頭髮勁set　不想一個人
（男）無奈冇銀樣都輸晒　邊「鼠」追女仔　I'm a poor guy!　只好不結婚
（女）人哋話我睇戲點解得嗰一個人
（男）其實我都不想當光棍
（合唱）無奈情歌通街洗腦偏偏戀上咗　難道幸福只有劇情播???

囧囧囧囧囧囧囧囧　We wanna make a change
其實我 囧囧囧囧囧囧囧囧　我哋嚟做d咩　嚟唱歌

你有壓力　我有壓力　囧囧囧囧囧囧囧
其實我 囧囧囧囧囧囧囧囧　我哋嚟做d咩　呀～

（普）背靠祖國　面向世界　We wanna make a change
其實我c-o-m-p-l-a-i-n　我哋嚟做d咩　嚟唱歌
愛你至鬧你　愛你至話你　We wanna make a change
其實我c-o-m-p-l-a-i-n　我哋嚟做d咩　嚟唱歌哦～

更多連結：
香港投訴合唱團
香港藝術評論的介紹